UZOQOPHA UMLANDO WESILO ESIBUSAYO OWOMHLANGA EMASHOBENI

ZETHU PHOSWA

KUZOQOPHEKA umlando weSilo esibusayo uMisuzulu kaZwelithini ngoMkhosi woMhlanga eMashobeni KwaNongoma.
Lo mkhosi uzokuba amaqophelo azoshiya umlando wokungena kweSilo uMisuzulu, ozodweba uphawu lokuthi esihlalweni saKwaZulu kubekhona iSilo esibusayo uMisuzulu KaZwelithini, sifikile sifike nezidladla zalo, maqede senza olwaso uphawu, lokukhonya.
INdlulamithi iqhubeka lakugcine khona amanyathelo ezidladla zeSilo esimzalayo esibuzile uZwelithini kaBhekuzulu.
Kumanje seziqalile izintombi ukwethula umhlanga, Kanti konke kumi ngononina njengoba seziqalile nezihambeli ukutheleka.

Izintombi ziqalile ukwethula umhlanga esigodlweni seSilo eMashobeni.
Lezi izintombi ziholwa izinyane leSilo uMntwana Simezwini.
Kuwusiko ukuthi izintombi ziholwe yizinyane leSilo elisuke lisesigabeni sokukhula kulowo nyaka, kube yilo elihambisa umhlanga wokuqala kwiSilo.
Kuzokhumbuleka ukuthi loMkhosi kungokokuqala usukile eNyokeni esigodlweni esesabuza uZwelithini kaBhekuzulu, safudukela esigodlweni seSilo esibusayo. IZITHOMBE : SPHA MBHELE