KUNXUSWE ABEFUNDISI KWEYOKULWA NE-GBV
UNDUNANKULU waKwaZulu-Natal uMnuz Thamsanqa Ntuli ekhuluma kwaNongoma. IZITHOMBE: KZN PREMIER
AKHONA DLAMINI
KUPHONSELWE inselelo abefundisi ukuthi balwe nesihlava sodlame olubhekiswe kwabesifazane nezingane, ngomkhulelo, njengoba sekuyinsaka vukela umchilo wesidwaba kulesi sifundazwe.
Lokhu kushiwo uNdunankulu waKwaZulu-Natal uMnuz Thamsanqa Ntuli, ngesikhathi ekhuluma kumkhuleko wokunqanda ukubulawa kwabantu ngenxa yezepolitiki obuKwaNongoma, ehlala Nkosi mhla ziyi-26 kuMfunfu.
“Ngiyaninxusa bantu bakithi ngicela nikhulekele leli chilo lokubulawa kwabesifazane, elibonakala ludla lubi esifundazweni saKwaZulu-Natal. Ngithole umbiko wokuthi sekutholakale isidumbu eMariannhill. Nezinye ezingama-59 ezisemakhazeni ezingakahlonzwa. Lokhu kuyasibonisa ukuthi sisase muva njenge sifundazwe ekulweni nalesi sihlava,” kubeka uNtuli.
