KUSHONE IGIDANGOMA LIKA-SCEBI DLAMINI
MZWANDILE MHLONGO
ISILILO kudlula emhlabeni umculi kaMaskandi, uSthembiso Dlamini obedume ngoMdineka kuMaskandi nebengowokudabuka eMsinga.UDlamini ubengumfowabo weNkos’yamagcokama nayo osanda udlule emhlabeni ngenyanga kaNcwaba, engozini yemoto.
UMdineka uke waba igidangoma likaScebi, ngaphambi kokuthi aphume inxiwa lakhe njengoba ubesengumculi ozimele.Imbangela yokushona kwakhe kuvela ukuthi walinyazwa umuntu ngolwelihlanu wesonto eledlule, okwaholela ekutheni athinteke kabi ekhanda, kwgcina kumenele mhla ziyi-30 kuMfumfu.
Ushona nje ubesanomsebenzi omusha we-EP osihloko “Imale bestie” ogabe ngezingoma ezihlabahlosile, okubalwa kuzo ukufela othandweni nasebenzisane kuyo noShenge waseHlalankosi nethi khumbul’ekhaya nezinye.angena engenile amazwi enduduzo kubathandi bomculo kaMaskandi abhekiswe emndenini wakwaDlamini njengoba ukufa sekugadla isibili ezinyangeni ezimbili kuphela.Bezingakakhishwa izinhlelo zokufihlwa kwakhe .
