UMKHWANAZI UPHAKAYISELWE UKUHOLA KWESOBUGEBENGU OBUHLELIWE
IBAMBA Ngqongqoshe wamaPhoyisa kuleli uSolwazi uFeroz Cachalia, oqoke uKhomishana wamaphoyisa KwaZulu-Natal uGeneral Lt Nhlanhla Mkhwanazi kwesokunfamela ama-Hawks. IZITHOMBE: FACEBOOK
AKHONA DLAMINI
SEKUPHAKANYISWE igama liKhomishana wamaPhoyisa KwaZulu-Natal, uLieutenant-General Nhlanhla Mkhwanazi, ukuba abe yinhloko yophiko oluphenya ubugebengu obubucayi, iDirectorate for Priority Crime Investigation, olwaziwa ngamaHawks.
Lokhu kwenziwe uNgqongqoshe wamaPhoyisa obambile, uSolwazi Firoz Cachalia, kanti lesi siphakamiso sisalinde ukugunyazwa yiKhabhinethi ngaphambi kokuthi kuqinisekiswe ukuqokwa kwakhe ngokusemthethweni. Uma iKhabhinethi ikugunyaza lokhu kuqokwa, kuGeneralLt Mkhwanazi uzohola lolu phiko olubhekele ukuphenya ubugebengu obuhleliwe, inkohlakalo namanye amacala abucayi abekwe eqhulwini.
Lesi sikhundla besingenamuntu ophethe kusukela uLieutenant-General Godfrey Lebeya ethathe umhlalaphansi ngonyaka odlule. Isinqumo sokugcina ngokuqokwa kukaMkhwanazi sisesezandleni zeKhabhinethi.
