IPHOYISA LIFIKE NEVENI ELINEZITHOMBE ZEQEMBU LEPOLITIKI

AKHONA DLAMINI

LIZITHATHELWA izinyathelo zokuqondiswa kwezigwegwe iphoyisa, kulandela ukufika esiteshini sokuvota esiseMphithini, eDonnybrook, ngemoto ebinezithombe namaphosta eqembu lezepolitiki.

Leli phoyisa limisiwe emsebenzini wokuvikela ukhetho lohulumeni basekhaya, ngemuva kwalezi zinsolo.
USekela kaKhomishana wamaPhoyisa KwaZulu-Natal, uMajor General Phumelele Makoba, uthe amaphoyisa akhunjuziwe ngezibopho zawo ngaphambi kokhetho, kanti luphenya kabanzi lolu daba.

“Siwakhumbuzile amaphoyisa ngezibopho zawo nangendlela okumele aziphathe ngayo. Sizolifakela izibuko lolu daba, sizophinde sivule icala lobugebengu uma uphenyo lukhomba ukuthi lokho kuyadingeka,” kusho uMakoba.
Kwesinye isigameko esenzeke eMlazi kwa-M, kuboshwe umsolwa osolwa ngokushaya amaphoyisa, abezama ukumnqanda edlobonga esiteshini sokuvota.

Ofike edle amanzi amponjwana.