IDLULE NEMIPHEFUMULO EYI-11 INGOZI YASE-SIPHINGO
ISALE injena itekisi eshayisene neloli eSiphingo. ISITHOMBE: ALS
NOMCEBO NGEMA
IDLULE nemiphefumulo eyi-11 okubalwa nengane eneminyaka eyi-13 ubudala, ingozi enyantisa igazi yeloli netekisi eyenzeke ekuseni namhlanje eLotus Park, eSiphingo.
Abezimo eziphuthumayo bakwa-ALS Paramedics Medical Services, bathi kulengozi kushone abayi-11 kwalimala kanzima abayi-7 abaphuthunyiswa esibhedlela.
Umshayeli wetekisi ukhishwe ngezindlawu, kwasikwa netekisi ukuze aphume.