KULINDELEKE KUHLANGANE U-BARNES NO-SHINGA KOKA-MAGWAZA MSIBI
ISIGUNGU seNFP esisemcimbini wokugujwa kwempilo kaZanele Magwaza Msibi, okulindeleke sijoyinwe uMengameli waleli qembu Irvin Barnes
AMALUNGA eNFP ahambele lo mcimbi
NOMCEBO NGEMA
KULINDELEKE ukuthi kuhlangane uSihlalo weNational Freedom Party uNksz Mbali Shinga noMengameli weqembu uMnuz Irvin Barnes, kulandela ukuphambana ngemibono, ngemuva kokuthi UNks Shinga eseke uhulumeni wobumbano.
Lokhu kuhlangana kulindeleke ukuthi kwenzeke namuhla eMaqhingendoda Olundi, njengoba kugujwa impilo kaVZ KaMagwaza-Msibi.
UNobhala WENFP KwaZulu-Natal uNksz Zodwa Mtshali uthi bakwenze lokhu, ukukhumbula amagalelo, akhe eNingizimu Afrika, njengoba ebeyisishabasheki ekushintsheni impilo yabantu nokubathuthukisa.