I-PIRATES ENGCUPHENI YOKUSHIYWA ISETHENJWA

UMBIKO: MABUNHLE MLABA

I-ORLANDO Pirates isengcupheni yokuphunyukwa esinye sezithenjwa sayo uDeon Hotto, njengoba kuzophela inkontileka ngenyanga ezayo.
Kuthiwa kunamaqembu aseNorth Africa agaqele lo mdlali waseNamibia. Abaphathi bezindaba zakhe kulindeleke bahlangane nomphathi wePirates u-Irvin Khoza kubhungwe ngekusasa lakhe ngeSonto elizayo. UHotto wafika kuPirates ngonyaka ka-2020, kanti uzophenduke isilomo ngenxa yokudlala ngokuzinikela kungakhathaleki ukuthi uboshelwa kuyiphi indawo.
Kudunguzwa ebumnyameni ngekusasa likaHotto nje iPirates isanda kumemezela ukuthi yelule izinkontileka Zika Evidence Makgopa no Makhehlene Makhaula.
UMigual Timm kungenzeka avumbuke kuMaZulu njengoba ingeke ivuselelwe inkontileka yakhe ngenyanga ezayo.