INTUKUTHELO KUBAMASHI BETHELWA NGOPENDE

INGXENYE yamalunga eMarch And March ethelwe upende ojikijeliwe kwelinye lamabhilidi.

UMHOLI weMarch And March uNkk Jacinta Ngobese-Zuma ekanye namalunga ebeyingxenye yemashi.

NOMCEBO NGEMA

AYIPHELANGA kahle imashi ebizwa ngeMarch And March kulandela ukuthi kuphoswe ibhakede likapende u5L kwelinye lamabhilidi libhekiswe phansi emgwaqeni kubamashi, kwatheleka abangu-47.
Lesi sigameko senzeke kwibhilidi eliseduze noSuperspar ose-Sea Point, kwathi laba abathelwe upende baphuthunyiswa esibhedlela, ukuyohlolwa ukuthi ngabe lo pende awunabo yini ubuthi, kuphinde kwavulwa icala lokulimaza ngenhloso esiteshini samaphoyisa ePoint.
Abamashi bathukuthele bathelwa ngezibonkolo, njengoba kuthe sebebuya kohambisa uhla lwezikhalo esiteshini samaphoyisa ePoint, bagasela ebhilidini sekuphume kulo lo pende, afika bajikijela ngamatshe befuna ukungena ngodli
Angene kwezinye zezitolo batapa, kwenzeka konke lokhunje abasagadiwe, amaphoyisa agade ngaphandle esiteshini ePoint.
Abamashi basabise ngokuthi uma lungasukunyelwa lolu daba lwabokufika zabakuleli ngokungekho emthweni nalaba abenza okungalungile, kukhona abazokwenza.
Kule mashi kugqame ubumbano, njengoba bekukhona nezinye izinhlanga nazo zisho ngazwi linye zithi abahambe abokufika abakuleli ngokungemthetho.