IGALELO LABESIFAZANE KWEZOKUVAKASHA KUMDLALO OMAMA ABAHLOBISI BOMHLABA
BELILIKHULU isasasa kumdlalo weshashalazi oqhambisa igalelo nezinselelo zomama abadayisa emgwaqeni.
Omama Abahlobisi boMhlaba. IZITHOMBE: ZITHUNYELWE
ZETHU PHOSWA
IZINSELELO ezibhekana nabesifazane abadayisa emgwaqeni nokunganakwa kwabo, bekukhulunywa ngakho kumdlalo weshashalazi Omama bangabahlobisi boMhlaba.
Lo mdlalo obhalwe Indlovukazi Mapule Ngobese, uhlose ukuqhakambisa igalelo labesifazane abadayisa emgwaqeni, ukuveza iqhaza abalibambayo ekuthuthukiseni ezokuvakasha, nokuzabalaza ukushintsha ikusasa lemindeni yabo.
“Lo mdlalo ususelwe endabeni eyiqiniso, ukhombisa indima eklanywa yilaba besifazane abadayisa emgwaqeni, abanamagalelo ekuthuthukiseni ezokuvakasha ukulondolozwa okungamagugu omuntu omnyama. Uveza ingcindezi ababhekana nayo emsebenzini nasemakhaya, kodwa baqhubeke bavuke ukuze bakwazi ukubeka isinkwa etafuleni, baphinde baphucule nenhlalo yabo.,” kubeka Indlovukazi Mapule.
Uthi lo mdlalo ususelwe encwadini ayibhala ebizwa ngokuthi
Omama Abahlobisi BoMhlaba, exoxa ngomlando wempilo yoMama abadayisa ebhishi, eMakethe nakuMansele, okuthe ngonyaka ka-2023 wayenza umdlalo weshashalazi.
“Ngesikhathi uqala ukukhonjiswa bukhoma ubuqondiswa ingqalabutho engasekho emhlabeni uDkt Mbongeni Ngema. Ngonyaka ka-2024 nango-2005 uqondiswe uJerry Pooe omkantshubomvu kulo mkhakha. Kulo nyaka sinike ithuba uMusa Hlatshwayo ukuthi awuqondise,” esho.
.