SIYENYUKA ISIBALO SABAFAKA IZICELO ZOKUBUYELA ENIGERIA

UNGQONGQOSHE wezangaPhandle eNigeria uBianca Odumegwu-Ojukwu ememezela isibalo sabafaka izicelo zokubuyela ezweni labo. ISITHOMBE: FACEBOOK

NOMCEBO NGEMA

BANGAPHEZU kwe-130 abaseNigeria abakuleli ngokungemthetho esebebhalisele ukubuyela ezweni labo, ngenxa yokusabela ukuphepha kwabo kuleli njengoba kuqhubeka imibhikisho yokubanxenxa ukuba babuyele emazweni abo.

Lezi zindaba ziqinisekiswe uNgqongqoshe wezangaPhandle Nigeria, uBianca Odumegwu-Ojukwu othi inani labafaka izicelo liya nokukhula, njengoba abantu besabela ukuphepha kwabo.