UXOLANI UBONGE UZULU KUTHOLAKALA IZIDAKAMIZWA
UXOLANI Khumalo ekhuluma nezinkumbi zabantu ebeziyingxenye yemashi.
UPHAK’LUMTHAKATHI Ndabandaba noXolani Khumalo ngesikhathi kuqhubeka imashi eThekwini. IZITHOMBE: FACEBOOK
NOMCEBO NGEMA
UXOLANI Khumalo obeshayela uhlelo lukamabonakude iSizok’thola, ubonge uZulu nobuqotho bamaphoyisa, abasenzisane nawo kutholakala izidakamizwa, izolo ngesikhathi kuneMarch in March eThekwini.
Uthi ubonga ukusebenzisana okuhle phakathi kwabo namaphoyisa.
“Nisibonile singena kwibhilidi ePhoyinti elingunombolo 511 Mahatma Gandhi Road sehla senyuka? Amaphoyisa abophe abokufika abahlanu ngokutholakala nezidakamizwa kuleliyabhilidi nokunye okuphuzwayo okungekho emthethweni. Ngiyabonga zinsizwa ngokwenza isiqiniseko sokuthi konke kuhamba kahle futhi nomthetho uyathotshelwa,” kuphetha uXolani.
Le mashi ibihlelwe inhlangano iMarch And March eholwa uJacinta Ngobese-Zuma ngokubambisana noPhakelumthakathi Ndabandaba, uNgizwe Mchunu nabanye abaningi