I-DA IKHIPHE UMKLOMELO NGOKUBULAWA KOBENGENELE ESOBUKHANSELA

USINOVUYO Dyokwe we-DA odutshulwe wabulawa ngempelasonto. ISITHOMBE: FACEBOOK

NOMCEBO NGEMA

I-DEMOCRATIC Alliance (DA) ikhiphe umklomelo ka-R50 000, kumuntu ozosa nolwazi olungaholela ekutheni kuboshwe abasolwa abadubule babulala uSinovuyo Dyokwe, ngempelasonto yokubhalisela ukuvota. I-DA ithi uSinovuyo uthole izinsongo ngaphambi kokumbulala, eWestern Cape, eDunoon ngoMgqibelo kusihlwa. Ubengomunye wabagaqele esobukhansela kuleli qembu okhethweni lokuchibiyela. Kuthiwa uSinovuyo, namanye amalungu eqembu bebesendleleni ebebheke emkhankasweni wokukhuthaza izakhamuzi ukuthi zibhalisele ukuvota ngesikhathi behlaselwa.

Amaqembu ezepolitiki athi izigameko ezifana nalezi zivusa ukukhathazeka, njengoba izwe liqhubeka nokulungiselela ukhetho lohulumeni basekhaya oluzoba mhla zi-04 kuLwezi kulonyaka. Amaphoyisa aseluqalile uphenyo ngokubulawa kukaSinovuyo.