ISILO SIGCINE ISETHEMBISO SOMHLANGA OWEDLULE KUKAMAWEWE

ISILO uMisuzulu kaZwelithini embathisa uNdlunkulu waso uKaMawewe isiphuku.

UNDLUNKULU uKaMawewe eseMkhosini woMhlanga.IZITHOMBE:SPHA MBHELE

ZETHU PHOSWA

ISILO uMisuzulu kaZwelithini sithe zonke izethembiso ezisenza eMkhosini woMhlanga siyazigcina, ngesikhathi sethula inkulumo kulo mkhosi mhla ziyi-12 no-13 kuMandulo.
Lokhu kufakazelwe isethembiso asenza ngonyaka owedlule eMkhosini woMhlanga, lapho samemezela ukuthi uNdlunkulu uSihle uKaMawewe, okokugcina ehamba lo mkhosi njengetshitshi.

UNdlunkulu uKaMawewe wayehambele lo mkhosi eyitshitshi, lapho adonsa khona amehlo abantu abaningi ngezinwele zakhe zemvelo, nalapho abaningi bancoma khona ubuhle bemvelo kundlunkulu. Emkhosini wanonyaka iSilo senze okuhlukile ngokucimelisa kuKaMawewe ngesiphuko sengwe esakhiwe njengembatha, emkhipha ngokusemthethweni emhlangeni.
Kuzokhumbuleka ukuthi iNdlulamithi ilobole uNdlunkulu uSihle uKaMawewe ngezinkomo eziyi-70, ngoNtulikazi.