LIHLEHLELE UNTULIKAZI ELABASOLWA NGOKUBULALA U-AKA

IZELAMI zakwaNdimande ezisolwa ngokusoconga u-AKA nomngani wakhe. ISITHOMBE: FACEBOOK

NOMCEBO NGEMA

LIZOQALA ukulalelwa ngoNtulikazi kulonyaka icala lezelamani zakwaNdimande, ezisolwa ngokubulala umrepha wakuleli uKiernan “AKA” Forbes nomngani wakhe uTebello “Tibz” Motsoane.

USiyabonga noMalusi Ndimande bebevele eNkantolo kaMantshi yaseThekwini ngoLwesithathu, uMmeli wabo, uMnuz Sibusiso Dlamini ucele ukuthi bagcinwe ejele laseWestville amasonto amabili, ukuze bakwazi ukuhlangana kahle nabameli babo.
UMmeli uDlamini uthi, isizathu esenza acele ukuthi bagcinwe eWestville, ukuthi imithetho iqinile eBongweni, yenza kube nzima ukuthi babe nemihlangano nabasolwa yokulungiselela leli cala.

Lezi zelamani zalethwa indiza eyayiqashwe ngehlo lokhozi, eyayisuka eSwaziland ngasekupheleni konyaka odlule.
Inkantolo yafike yathola nolunye uxhaxha lwamacala lezilamani ezisoleka kuwona, okubalwa inkohlakalo nokuqothwa kosomabhizinisi.