KUHLEHLISWE EYE-MANGOSUTHU CUP
MALIBONGWE MAZIBUKO
KUTHAMBE amabele kubathandi bebhola KwaZulu-Natal, kulandela ukuhlehliswa kwemidlalo yeMangosuthu Legacy Cup.
Le midlalo ebilindelwe ngabomvu njengoba be kuzokuba kungokokuqala idlalwa ezikaMotaung iKaizer Chiefs.
UMkhandlu waseZululand usukuqinisekisile uhoxiswa kwalo mqhudelwano wePrince Mangosuthu Legacy Cup, obekulindeleke ukuthi idlalwe mhlaka ziyi-11 kuMfumfu ePrince Mangosuthu Stadium oLundi.
Kuvele izizathu eziningi ezenze ukuthi lo mqhudelwano uhoxiswe ubekwelwe olunye usuku, kubalwe ukuthi kunamaqembu okumele adlale imidlalo yeCAF njengoba iqembu le Kaizer Chiefs neNsingizini Hotspurs beyinxenye yalemqhudelwano yeCAF, kuphinde kwabalwa nezinkinga zokulimala kwabadlali emaqenjini.
Le midlalo ihlehliselwe umhla ziyi-16 kuLwezi khona enkundleni yezemidlalo iPrince Mangosuthu oLundi.