UMDLALI OWEQIWA EZIKA-FARO UBONAKALE KWI-TS GALAXY
UMAHLAMBI ubonakale eqenjini elisha kwi PSL ngethemba lokuthola ithuba lesibili ekudlaleni ibhola esigabeni esiphezulu.ISITHOMBE: Diski Times
MALIBONGWE MAZIBUKO
OWAYENGUMDLALI weMamelodi Sundowns uPhakamani Mahlambi usebonakele ezilolonga neqembu eligijima kwiPremier Soccer League, iTS Galaxy.
Ngokuthola kwaleli phephandaba kuthiwa umqeqeshi weTS Galaxy u-Adnan Beganovic, uzimisele ukunika uMahlambi ithuba lesibili.
UMahlambi usehlale isikhathi eside engenalo iqembu, kanti ugcine ukudlala umdlalo esigabeni esiphezulu ngonyaka ka-2021 kuMfumfu.
UMahlambi ubhekane kakhulu nezinkinga zophuzo oludakayo nokungaziphathi kahle, okumenze engahlali isikhathi eside emaqenjini amaningi ayewadlalela, okubalwa kubo i-Al Ahly, iMamelodi Sundowns neChippa United.
Kuthiwa uma limthatha leli qembu le bhola uzogijima nomfowabo omncane uSeluleko Mahlambi.