IKAIZER CHIEFS IMEMEZELE UMDLALI OMUSHA OSUKA ETANZANIA
WETHULWE ngokusemthethweni u-Adolf Mtasingwa Bitegeko osuka kwi-Azam FC.ISITHOMBE: Kazier Chiefs FC
MALIBONGWE MAZIBUKO
IKAIZER Chiefs imemezele ngokusemthethweni umdlali omusha odlala esiswini u-Adolf Mtasingwa Bitegeko, osuka eqenjini laseTanzania, i-Azam FC.Amakhosi awayidalulanga imali amthenge ngayo lo mdlali oyibamba enkabeni yenkundla, iveze ukuthi imthole ngemuva kwezingxogxo ezibe nesasasa phakathi kwalamaqembu womabili.
Lomdlali waseTanzania oneminyaka engama-27 ubudala obengukaputeni we-Azam FC, ungowokuqala waseTanzania ojoyine iChiefs emlandweni. Uzokwengeza isipiliyoni eNaturena njengoba engumdlali osemkantsubomvu. Udlale emazweni ahlukene okubalwa kuwo iNorway, Iceland naseFinland. Udlale amasizini amabili eTanzania wasiza i-Azam FC yaqeda endaweni yesithathu kwi-log ngesizini ka-2025/26.
Amakhosi asesayinise abadlali abathathu ngaphansi kobuholi bomqeqeshi omusha, uFernando Da Cruz, okubalwa kubo uThabo Moloisane obedlalela IStellenbosch FC noRenaldo Leaner obevimbela iSekhukhune United. Amakhosi ahlose ukuqinisa isikwati sawo njengoba kuzoqala isizini ka-2026/2027, kwazise izobuyela emqhudelwaneni iCaf Confederation Cup. IChiefs izolwela isicoco seBetway Premiership, MTN8, Carling Knockoout neNedbank Cup. IChiefs izoqhubeka nomdlalo wayo wokulungiselela isizini entsha.
Izobhekana neScottland yaseZimbabwe emdlalweni weToyota Cup eRoyal Bafokeng Stadium, eRustenburg, ngeSonto.