ISILILO KUDLULA EMHLABENI U-WINNIE KHUMALO
UMBIKO: ZETHU PHOSWA noBUSIE ZONDI
ISILILO kudlula emhlabeni
kwenkakha yomculi we-Afro Pop uWinnie Khumalo.
UWinnie Khumalo obeneminyaka eyi-51, wodumo lwengoma ethi ‘Live My Life’ okuyinoni alikhipha ngonyaka ka-2008,
udlule emhlabeni namuhla ntambama ephuthunyiswa esibhedlela.
Izindaba zokushona kukaWinnie zivezwe okokuqala emphakathini umngani wakhe uSabelo Sithole otshelwe indodakazi kaWinnie, okunguRethabile Khumalo, naye oke waba sematheni emuva kokugula kanzima edle ushevu.
Kwenzeka lokhu nje, ngonyaka odlule uWinnie uke wangeniswa esibhedlela, iJohhanersburg Hospital exinwe isifo sokuphelelwa umoya(Asthma). UWinnie wake wadlala imidlalo yeshashalazi iMuvhango neMponeng.
Kanti uke wadansela uBrenda Fassie wagcina esecula.
Ushiye emhlabeni izingane ezimbili uRethabile naye ongumculi nomfowabo uThando.