BABINGELELE IMANTSHI ABASOLWA NGOKUBULALA U-AKA
IZELAMANI zakwaNdimande ezisolwa ngoxhaxha lwamacala okubalwa nelokubulala umrepha wakuleli. ISITHOMBE: FACEBOOK.
NOMCEBO NGEMA
ZIQASHWE ngolokhozi ngabakwasidlodlo izelamani zakwaNdimande ezisolwa ngokubulala umrepha wakuleli u-AKA kanye nomngani wakhe, namhlanje kubonakale indiza enophephela emhlane enabo ihamba ngesivinini esiphezulu esingu-700km/h ibheke esikhumulweni sezindiza iKing Shaka International Airport.
UKiernan “AKA” Forbes nomngani wakhe uTebello “Tibz” Motsoane badutshulwa babulawa kuFlorida Road, eThekwini ngonyaka ka-2023, kwasolwa izelamani zakwaNdimande okunguSiyabonga noMelusi ngokubulala kwabo.
Ibhanoyi ebeliphethe lezi zelamani belisuka eSwazini okuyilapho ezaboshelwa khona ngonyaka odlule, kanti bezilokhu isicelo seNingizimu Afrika sokubuyiselwa kuleli ukuze zishushiswe.
Ngokusho kwamaphoyisa aKwaZulu-Natal athi njengoba sezilapha eThekwini lezi zelamani ziya enkantolo ukuyobingelela iMantshi.
Lezi zelamani ezibhekene nalunye uxhaxha lamacala, isibalo sawo esewonke angama-24.