I-ADIDAS NOMKHIQIZO WAMAQEMBU ESIZWE
INKAMPANI yakwa-Adidas ikhiphe umkhiqizo omusha weqembu lesizwe leBafana Bafana kanye neBanyana Banyana.
IJEZI lemidlalo yasekuhambeni.
IJEZI lemidlalo yasekhaya
IZITHOMBE: SAFA
MALIBONGWE MAZIBUKO
INKAMPANI yezimphahla zokuqoka, i-Adidas, ngokubambisana neSouth African Football Association (SAFA) imemezele ngokusemthethweni ukwethulwa kwamajezi amasha awasekhaya kanye nawesekuhambeni esizini ka-2026/2027, azogqokwa amaqembu esizwe amadala abesilisa nabesifazane, iBafana Bafana kanye neBanyana Banyana.
Ngokwesitatimende esikhishwe ngoLwesihlanu ekuseni, la majezi amasha azogqokwa emidlalweni yasekuhambeni, ahambisana nejezi lasekhaya elethulwa mhla zi-3 kuNdasa 2026.
I-Adidas ibuyele ekubeni ekuxhaseni amaqembu esizwe okokuqala kusukela ngo-2010. Amaqembu esizwe kade esegqokiswa yinkampani yaseFrance, iLe Coq Sportif.
ISafa kanye ne-Adidas bagcizelele ukuthi ukwethulwa kwalawa majezi kuyisinyathelo esibalulekile ekukhuliseni isithombe samazwe ngamazwe samaqembu esizwe, kanye nokukhuthaza ukuzigqaja kubalandeli bebhola laseNingizimu Afrika.