IVULIWE INXANXATHELA YEZITOLO EQANJWE NGOMNTWANA WAKWAPHINDANGENE
INXANXATHELA yezitolo eqanjwe ngoMsunguli kanye noMengameli we-IFP iNkosi Mangosuthu Buthelezi ebivulwa izolo.
IBUTHO lezinsizwa nalo belikhona lizimazise lo mcimbi. IZITHOMBE: FACEBOOK
NOMCEBO NGEMA
IVULWE ngokusemthethweni izolo inxanxathela yezitolo iPrince Buthelezi Mall, eMpangeni ngaphansi kukaMasipala uMhlathuze.
Kulindeleke ukuthi le nxanxathela yezitolo ilethe amathuba emisebenzi, ikhulise umnotho endaweni yaseMpangeni nezindawo ezizungezile.
Lo mcimbi wokuvula le nxanxathela ubuhanjelwe umndeni wakwa Buthelezi , iNkosi Zuzifa Buthelezi, uMengameli we-Inkatha Freedom Party (IFP) uMnuz Velenkosini Hlabisa, uNdunankulu waKwaZulu-Natal uMnuz Thamsanqa Ntuli, oNgqongqoshe beminyango ehlukahlukene esifundazweni, izimeya kanye nabanye abaningi.