KUBOSHWE OWESILISA WASE-GREYTOWN OTHOLAKALE NEZIBHAMU EZIWU-4

UMBIKO: ZETHU PHOSWA

ULALE ebaliwe owesilisa waseGreytown, kulandela ukutholaka noxhaxha lwezibhamu.
Lo mlisa oneminyaka eyi-48 ubudala uboshwe izolo
ngesikhathi kuqhubeka uphenyo lophiko lamaphoyisa iPOP eMgungundlovu obeluholwa umasiteshini waseGreytown.
Kuvele ukuthi umsolwa utholakale nezibhamu ezingu-4 ezingekho emthethweni, nomfaniswano wamasosha akuleli(SANDF).

Okhulumela amaphoyisa esiFunda uMzinyathi uConstable Siyabonga Nkwanyana, ukuqinisekisile ukuboshwa kwalo wesilisa.

“Amaphoyisa abelunywe indlebe ngomunye okusolakala ukuthi unezibhamu ezingekho emthethweni.
Kuthiwa amaphoyisa afike kule ndawo amthola nezibhamu ezimbili ezinkulu zohlobo lwama-303, nezimbili ezincane(pistol) .
Uthi kuthe uma kuqhutshekwa nophenyo, kwabe sekutholakala nomfaniswano wamasosha,” esho.