ISIBEKE UNYAWO OLULODWA KOWAMANQAMU ISUNDOWNS KOWE-CAF
ISUNDOWNS inqobe i-Esperence eTunisia kumqhudelwano weCAF Champions League.
ISITHOMBE: Mamelodi Sundowns
IQEMBU laseNingizimu Afrika, iMamelodi Sundowns, linqobe umdlalo obalulekile ngo 1-0 libhekene ne-Espérance de Tunis emlenzeni wokuqala owandulela kowamanqamu weCAF Champions League izolo eTunisia.
Igoli lishaywe uBryan Leon ekuqaleni kwesiwombe sesibili ngomzuzu ka-50, eqinisekisa ukuthi iSundowns
Ihamba phambili ngaphambi komlenze wesibili. Kulo mdlalo kubhede uhlelo ngenkathi istobha seqembu uGrant Kekana sikhishwa enkundleni ngekhadi elibomvu sekusele imizuzu eyishumi kuphele.
Lo mphumela ushiya iSundowns isisesimweni esihle njengoba izobuyela ekhaya izobhekana ne-Esperance emlenzeni wesibili ozodlalelwa eLoftus Versfeld Stadium ngoMgqibelo mhla ziyi-18 kuMbasa.
Ukufaka unyawo olulodwa kowamanqamu weChampions League kweSundowns kusho ukuthi isethubeni lokufinyelela kuwona okwesibili kulandelana. Ngesizini edlule yashaywa yiPyramids yaze-Egypt kowamanqamu sekuthenjiwe ukuthi uzokwengeza inkanyezi yesibili ejezini layo.