KWETHULWE OSONKONTILEKA ABAZOLUNGISA IMIGWAQO YASEFILIDI

IMEYA kaMasipala waBaQulusi, uCllr Sifiso Mkhwanazi, enosonkontileka abazolungisa imigwaqo eVryheid.

NOMCEBO NGEMA

UMASIPALA waBaQulusi wethule ngokusemthethweni uhlelo lokulungiswa kwemigwaqo ngaphansi kwalo masipala, mhla ziyi-9 kuJulayi nonyaka . Lolu hlelo lwethulwe yiMeya uCllr Sifiso Mkhwanazi, yamemazela izimkonteleka ezizokwenza lo msebenzi okubalwa i-Aphelele Civils and Projects, iKhanyisa Civils and General, Ikhuba Holdings ne-Engapheli Moya Solutions. UShamase uthe i-Aphelele Civil and Projects izolungisa imigwaqo okubalwa eseLanddrost, ePresident naseHlobane, kuthi iKhanyisa Civils and General ilungise umgwaqo oseStretch Crescent. IKhuba Holdings, izolungisa imigwaqo okubalwa uKerk Steet neNyala Street, kanti u-Utrecht Street uzolungiswa yi-Engapheli Moya Solutions.

“Lokhu kulungiswa kwale imigwaqo sekudale amathuba emisebenzi kubantu bendawo abangu-44. Kulaba abaqashiwe kubalwa ama-General workers, oCommunity Liaison Officer (CLOs) nonogada. UNdonga uthe lawa maprojekthi ayinto enkulu kulo masipala ngoba amalunga omphakathi kade awalinda. La maphrojekthi azothuthukisa izingqalasinda, adale amathuba emisebenzi, ukuphepha emgwaqeni, nemigwaqo esesimeni esihle kuwona wonke umuntu,”kuphetha iMeya uMkhwanazi.