ITHEKU NOHLELO LOKUNAKEKELA IMIGWAQO ENGENALO ITIYELA

IMIGWAQO ewubhuqu izongena ohlelweni lokunakekelwa.ISTHOMBE: LINDELWA MAGWAZA

LINDELWA MAGWAZA

UMASIPALA weTheku usungule uhlelo lokunakekela imigwaqo engenalo ewubhuqu, ngenhloso yokwenza ngcono ukuhamba kwabantu nokwenza kube lula ukufinyelela ezinsizeni ezibalulekile.IKomidi Eliphezulu loMkhandlu (EXCO), ligunyaze ukuthi kwengezwe eminye imigwaqo ngaphansi kohlelo lokunakekelwa kukaMasipala. Le migwaqo ikhonjwe ngemuva kokuthi imiphakathi iveze izidingo zayo kumakhansela ezigceme, kwase kulandelwa ukuhlolwa ngochwepheshe bakaMasipala.

UMasipala weTheku uthe ukunwetshwa kwalolu hlelo kuzokwenza kube lula kubahlali ukufinyelela ezikoleni, ezikhungweni zezempilo, emisebenzini nakwezinye izindawo ezibalulekile. Lolu hlelo luhlanganisa ukulungiswa nokunakekelwa kwemigwaqo njalo ukuze ihlale isesimweni esifanele.Yize lolu hlelo luzodinga uxhaso olwengeziwe, uMasipala uthi izidingo zezimali zizobhekwa ngesikhathi sokuhlelwa kwesabelomali. “Inhloso yokuqhubeka nokuthuthukisa ingqalasizinda yemigwaqo, ukwenza ngcono izinga lezinsiza emphakathini,” ngokusho kukaMasipala weTheku.