ISIBHEDLELA SIGUBHE IMNYAKA EYI-100 SAKHIWA
ITSHE lesikhumbuzo sika Ntombazane Nsele.ISITHOMBE: KZN TOURISM AND FILM
OWAMI THABETHE
UMNYANGO wezokuVakasha KwaZulu-Natal oholwa uNgqongqoshe uMfu Musa Zondi, ugubhe ngesitayela Inyanga yezokuVakasha esibhedlela sase-Applesboch, ngesikhathi kugujwa iminyaka eyikhulu sakhiwa eMgungundlovu, ngeSonto Mhlaka 20 kuMandulo.
Lesi sibhedlela sakhiwa ngonyaka ka-1923, sakhiwa izithunywa zevangeli zase-Sweden kanti lomgubho uhlose ukugqamisa umlando waso ocebile kwezenkolo, ezemfundo nezempilo.UNgqongqoshe uMfu Musa Zondi, uthe lomgubho uhlose ukubeka lendawo njengendawo yamagugu engasoze yalibaleka emlandweni nakwisizukulwane esizayo.
“Lolu hlelo luhlose ukugcina umlando namagugu ale ndawo, luphinde luvule amathuba okuthuthukisa ezokuvakasha nomnotho womphakathi wase-Appelsbosch”, kusho uZondi.Lo mcimbi uphinde waba yithuba lokukhumbula uNtombazane Nsele, owabulawa nguyise ngenxa yokholo lwakhe. Ithuna lakhe selithathwe njengelinye lamagugu abalulekile omlando wezenkolo kule ndawo.
