KUDUTSHULWE KWABULAWA IZELAMANI EMTUBATUBA
ZETHU PHOSWA
USALE umangele umndeni ugcwele umunyu, kulandela ukudutshulwa kwezelamani endaweni yokucima ukoma eMtubatuba.
Kuthiwa uMnuz Mzwakhe Ndlela obeneminyaka engu-46 benomfowabo omdala uMnuz Thembinkosi Ndlela obeneminyaka engu-56 badutshulwe kule ndawo bashonela khona.
Lesi sigameko sishiye umndeni udunguza ontwini, ungakholwa ngokubulawa kwalezi zelamani ezisembonini yamatekisi ezidutshulwe ngoyaba lwezinhlamvu zashona.
Kuthiwa bebelalelwe unyendle imoto yohlobo lwepolo elibomvu, elithushuke esikhaleni nje, yamane yangabuza lutho yavulela ngenhlamvu kubona bobili.
Ongathandanga ukudalulwa uthe sekuyinsakavukela uthe yoze kule mboni ziyinsakavukela ukubulawa kosomatekisu kule ndawo.
Uveze ukuthi ithemba balibeke kwabomthetho.
newsroom@umusamedia.co.za
