SEKUMI NGOMUMO NGOMCIMBI WAMADODA EVRYHEID
UBHEKWE ngabomvu umcimbi wamadoda eVryheid kusasa. ISITHOMBE: ABAQULUSI MUNICIPALITY
NOMCEBO NGEMA
KONKE sekumi ngomumo ngomcimbi wamadoda obizwa nge-Ingezo YaBaQulusi, ozoba kusasa zingama-30 kuNtulikazi, enkundleni yebhola lombhoxo eCecil Emmett, eVryheid. Lo mcimbi uhlelwe uMasipala waBaQulusi oholwa iMeya uCllr Sifiso Mkhwanazi, ngenhloso yokubhunga ngezinto ezithinta amadoda njengoba uNtulikazi kuyinyanga yawo. IMeya inxusa amadoda ukuthi acuphe isisoka kulo mcimbi ozoqala ngehora lesi-09:00 ekuseni. Kulo mcimbi kuzonandisa iNkosi Yamagcokama, uThokozani Langa nabanye.
#ingezoyabaqulusi #Ayihlanganekhona