RICHARDS BAY IZOYIQALA KAHLE ISIZINI

IMBIKO: ZETHU PHOSWA
Umusamedia1@gmail.com

IRICHARDS Bay FC izoyiqala ngenothi eliphezulu umqhudelwano weMTN 8, kulandela ukuba ngompetha beKZN Premier’s Cup ngokuguqisa iDurban City kowamanqamu ngeSonto, eMhlathuze Sports Complex, eRichards Bay.
I Bay ibihlwitha indebe kwiRoyal AM eyaba ngompetha ngonyaka owedlule, kodwa engakwazanga ukuvikela indebe njengoba ingangenanga kulandela ukukhungathwa zinkinga yamiswa kwiPSL, nomnikazi uShawn Mkhize wanenkinga nabakwa-SARS.
INatal Rich iBoyz inqobe ngegoli elibe yiphenathi evalelwe phakathi uTshepo Mabua ngomzuzu ka-90 sekusele kancane kukhale indweba yokuphela komdlalo.
Laba ompetha badlulele kowamanqamu ngokuguqisa iMidlands Wanderers ngo 4-3, njengoba umdlalo uphele ingekho ebifuna ukugoba uphondo zibambene ngo 1-1, kanti iDurban City ibifike kowamanqamu ngokuguqisa AmaZulu FC ngo 3-2. Usihlalo weBay uJomo Biyela ubephuphuma injabulo ngemuva komdlalo. Uthe nokho akumele bazikhukhumeze ngoba usemkhulu umsebenzi obahlalele. Uncome ithimba labaqeqeshi ngokusebenza ngokuzikhandla becija abadlali bakhe.