BASALE ENKUNDLENI ABASOLWA ABABILI BEDUBULANA NAMAPHOYISA ENANDA
UMBIKO: ZETHU PHOSWA
BASALE enkundleni abasolwa ababili bedubulana namaphoyisa eNhlungwane eNanda, namuhla.
Kuthiwa amaphoyisa alunywe indlebe ngalaba basolwa, ase egasela khona kulo muzi, okuthe uma engqongqoza ezibika ukuthi angamaphoyisa, kwaba aseyinyathele emsileni.
Kubikwa ukuthi abasolwa abazange bacabange kabili base sebevulela izulu lezandla, bebhekise kumaphoyisa, nawo angabange esacucuza aphindisela ngayo inganono.
Okhulumela amaphoyisa KwaZulu-Natal uCol Robert Netshiunda usiqinisekisile lesi sigameko sokudutshulwa kwabasolwa ababili, abebedubula amaphoyisa.
“Kulaba basolwa abebedubulana namaphoyisa kutholakale izibhami ezimbili, kwathi oyedwa ongazange alwisane namaphoyisa waboshwa “ esho.
Uthi laba basolwa banyamaniswa neqembu lemigulukudu yaseWest.