LIDUME LAYITHATHA I-DURBAN CITY

ILAHLWE elakubo iDurban City iguqiswa Usuthu eMoses Mabhida koweBetway
ISITHOMBE: Hollywoodbets Sports Blog

MALIBONGWE MAZIBUKO

I-DURBAN City isifulathelwe elakubo, kulandela ukuguqiswa Amazulu ngegoli elilodwa eqandeni, kumdlalo weBetway Premiership namuhla.

Igoli likaFluers Fielies alishaye ngomzuzu ka 87, liqinisekise ukuthi Usuthu lihamba namaphuzu amathathu aphelele, iCity iphuthwe ithuba lokunyukela endaweni yesithathu kwi log.
Okwenza iqhubeke ihlale endaweni yesi-5 ngamaphuzu ayi-15, Usuthu lisuke endaweni yesi-9 yakhuphukela endaweni yesi-7 ngamaphuzu alinganayo neDurban City, i-Orlando Pirates, iPolokwane City neKaizer Chiefs ngamaphuzu ayi-15.
EzikaGavin Hunt zizobhekisa amabombo kumqhudelwano weCarling Knockout Cup mhla zingama-25, zizodudulana neRichards Bay FC, eMhlathuze Sports Complex ngehora lesithathu emini.