I-MOVIE ROOM NAMAFILIMU ESIZULU ASE-HOLLYWOOD

UFAITH Ndiya uthi amafilimu aseHollywood adlala ngesizulu kwiMovie Room channel 113.

AKHONA DLAMINI

KUQOPHEKE umlando ama-movie aseHollywood edlala ngolimi lwesiZulu, kwisiteshi i-Movie Room esingaphansi kweDStv (Channel 113), lokhu kuzoba nomthelela omuhle ekulondolozweni kolimi lwesiZulu.
Izethameli zalesi siteshi zizothakasela amafilimu adumile afana no-Jumanji:Welcome to the Jungle, White chicks, Little man namanye amaningi.

UFaith Ndiya oyiMarketing kulesi siteshi uphinde waveza ukuthi kukhona nesinye esibizwa nge-Playroom sabantwana abancane abathanda ukubuka opopayi, naso sizobe sidlala ngesiZulu.
“Kwizinhlelo zopopayi kubalwa Shrek, Supa strikas namanye amaningi angajatshulelwa izingane,” esho.