U-TYLA UKHALE WEMUKA NENDONDO KUMA-GRAMMY AWARDS
INTOKAZI yakuleli esencane efike kwezwakala endimeni yomculo uTyla. ISITHOMBE: FACEBOOK
NOMCEBO NGEMA
ILOKHU iqhubeke njalo nokuphephezilisa ifulegi lakuleli phezulu kumazwe aphesheya kwezilwandle, intokazi yakuleli esencane,kulandela ukuhlabane ngendondo kumaGrammy Awards.
UTyla Laura Seethal, ongene kwezwakala endimeni yomculo, owazakhela igama
ngengoma esihloko sithi ‘Water’, ukhale wemuka nendondo ye-Best African Performance, ngeSonto kuma-Grammy Awards njengoba ebese- Crypto.com Arena, eLos Angeles.
Le ndondo ubeyiwina okwesibili kulo nyaka. Kulomunxa ubeqhathwe nezihlabani zabaculi base-Afrika okubalwa uDavido, uBurna Boy kanye no-Ayra Starr.