KUQASHWE OTHISHA ABAYI-500 E-KZN

UNGQONGQOSHE woMnyango wezeMfundo uMnuz Sipho Hlomuka. ISITHOMBE: KZNDOE

NOMCEBO NGEMA

BAZOQALA ukusebenza mhla lulunye kuMbasa kulonyaka othisha abangama-500 baka-Grade R, abaqashwe uMnyango wezeMfundo KwaZulu-Natal.
Lokhu kuvezwe uNgqongqoshe wezeMfundo uMnuz Sipho Hlomuka, othe lesi sinyathelo esiqinisa isigaba sokuqala sokufunda, futhi siyingxenye yokusebenzisa iBela Act, eyenza uGrade R ube yimpoqo.

Uthi kulindeleke ukuthi lokhu kuthuthukise izinga lokufunda, kwehlise isibalo sabafundi kuthisha oyedwa, ikakhulukazi ezindaweni zasemakhaya.

Inyunyana yothisha KwaZulu-Natal iNAPTOSA, ithi ukuqashwa kothisha sekubambezeleke isikhathi eside, kodwa iyasamukele lesi sinyathelo, iphinde yaphakamisa ukuthi ifuna ukuqashwa kothisha okwengeziwe.

ISADTU ithi baningi othisha abasalinde imisebenzi, i abanye sebelinde iminyaka engaphezu kweyisi-9 ekubeni izikhala zokushoda ezikoleni zikhona.