UMKHWANAZI WETHULE UHLAHLOMALI LWENTUTHUKO KUMAKHOSI EVRYHEID
IMEYA uCllr Sifiso Mkhwanazi ithula inkulumo yayo kuMakhosi neziNduna. ISITHOMBE: ABAQULUSI MUNICIPALITY
NOMCEBO NGEMA
UBE impumelelo umhlangano wesigungu saMakhosi neziNduna, ezakhele uMasipala waBaQulusi izolo emahhovisi awo lo masipala eVryheid. Inhloso yalomhlangano bekungukwethula uhlahlomali lwentuthuko edidiyelwe (Integrated Development Plan).
IMeya uCllr Sifiso Mkhwanazi icacisele kabanzi aMakhosi neziNduna ngezinhlelo zokusetshenziswa kwezimali zomphakathi, nokuthi le mali izoyiletha kanjani intuthuko emphakathini eyehlukahlukene kunyaka wezimali oqala mhla lulunye kuNtulikazi kulonyaka.
INkosi yasoThaka ebikhulumela wonke
aMakhosi , ikwamukele ngezandla ezimhlophe lokhu kwethulwa kohlahlomali.
IziNduna nazo zizwakalise ukuneliseka ngezinhlelo ezibekwe yiMeya, kanti kubhekwe ukuthi lokhu kusebenzisana kuqinise ukulethwa kwezidingo kuzona zonke izindawo ezakhele uMasipala waBaQulusi.
