KUSHONE AMAPHOYISA ENGOZINI YEMOTO EMPUMALANGA
IMOTO ebishayelwa amaphoyisa ashonile. ISITHOMBE: FACEBOOK
PHUMELELE DLAMINI
IDLULE nemiphefumulo yamaphoyisa amabili ophiko olukhethekile iTactical Response Team, ingozi enyantisa igazi eyenzeke eWitbank, eMpumalanga izolo. Kubikwa ukuthi lamaphoyisa elibhekise ePitoli izolo kusihlwa, eyoba ofakazi benkantolo, ngesikhathi ehluleka ukulawula imoto ebehamba ngayo.
Lamaphoyisa ebeyingxenye yethimba laseManguzi, elilwa nobugebengu bokunqamula imingcele. Okhulumela amaphoyisa kuzwelonke uBrigadier Athlenda Mathe, usiqinisekisile lesi sigameko, wase
edlulise amazwi enduduzo emindenini, nabasondelene nawo.