AMAPHOYISA AGASELE KWISAKHIWO ESIKU-LANCERS ROAD
ISAKHIWO esiku-44 Lancers Road edolobheni eThekwini amaphoyisa agasele kusona kungazelele muntu.
ISIMO asifice ngaphakathi kulesi sakhiwo. IZITHOMBE: DURBAN METRO POLICE
NOMCEBO NGEMA
UMASIPALA weTheku ugasele kwisakhiwo esiku-44 Lancers Road edolobheni eThekwini, okusolwa ukuthi sidliwe ngokungemthetho, ngaphansi kohlelo lokuvuselela idolobha, izolo. Athe inhloso yalomkhankaso ukuqinisa ukulandelwa kwemithetho kamasipala, ukuhlonzwa kwamabhilidi ayingozi, ukubuyiswa umthetho, ukuze kuhleleka edolobha.
Lo mkhankaso ubuqhutshwa amaphoyisa kamasipala (Durban Metro) ngokubambisana noMnyango wezokuHlaliswa kwaBantu KwaZulu-Natal, abahloli bezakhiwo, uMnyangowezaManzi noGesi, iDurban Solid Waste nezinye izinhlaka zikamasipala. Kulesi sakhiwo okuhlalwa kuso ngokungemthetho, ligicwe linabantu abahlala khona. Lo mkhankaso ube ngowokuqala ukusebenzisa ubuchwepheshe obusha obaziwa nge-Smart Policing, okubalwa amakhamera agqokwa emzimbeni, ama- digital devices asiza amaphoyisa ukwenza umsebenzi wawo.