LIZOQONDISWA IZIGWEGWE ISOSHA ELIBONAKALE LIDAKIWE EZINKUNDLENI ZOKUXHUMANA

I-SANDF ithi ayihambisani namalunga ayo aphuza uphuzo oludakayo egqoke umfaniswano. ISITHOMBE: FACEBOOK

NOMCEBO NGEMA

UMBUTHO wezokuvikela eNingizimu Afrika, iSouth African National Defence Force (SANDF), ithi lizoqondiswa izigwegwe isosha elibonakale lidakiwe ligqoke umfaniswano, kulandela ukubonakale kwi-video esabalele ezinkundleni zokuxhumana.

I-SANDF ithe le ndoda iyisosha eliqashiwe elisebenza kwenye yama-unithi ayo ePitoli. Ithe ukuziphatha kwayo le nsizwa akwamukeleki futhi kuphambene nomthetho. “Sithathe izinyathelo zokujezisa leli lunga futhi okuningi sesikuqedile. Sizoqhubeka nokuthatha izinyathelo mayelana namalungu angaziphathi ngendlela,” kusho i-SANDF esitatimendeni.