UQHUTSHWE NGEMPUMELELO UMCIMBI WEZINCWADI EMANDENI

ABABHALI ebekwethulwa izincwadi zabo.
ISITHOMBE: Mandeni Local Municipality

IZETHAMELI zomcimbi kanye nabafundi.
ISITHOMBE: Mandeni Local Municipality

AYANDA PHOSWA

UQHUTSHWE ngenkulu impumelelo umcimbi wokwethulwa kwezincwadi zababhali abehlukene eMandeni, ngaphansi kukaMaspala wesiFunda iLembe.
Lo mcimbi obungoLwesihlanu mhla ziyi-11 kuMandulo 2026, eSibusisiwe Hall, ubuhlelwe uMaspala waseMandeni ngokubambisana nesikhungo semfundo ephakeme i-UNISA nenhlangano yababhali uSiba.

NgokoSiba lesi siFunda saqanjwa ngokuthi: Usiba-CSZ Ntuli District, okuyisiFunda esengamele omaspala abane abangaphansi kweLembe, okubalwa uMaphumulo Local Municipality, Ndwendwe Local Municipality, KwaDukuza Local Municipality neMandeni Local Municipality.

Ababhali ebekwethulwa izincwadi zabo kubalwa uNompumelelo Gumede umbhali wencwadi ethi ‘Business Resilience’, uBheki Ngwenya umbhali wencwadi ethi ‘What if’, uNjabulo Nxumalo umbhali wefilimu esihloko sithi ‘Ntaba’, uNokulunga Khanyisile Mkhize umbhali wencwadi ethi ‘Mngani Uyangazi’, uNamasinga Zulu obhale ethi ‘From Idea to Income’ kanjalo noRose Mthembu ongumbhali wencwadi esihloko sithi ‘EzaseGroutville’.

Lo mcimbi ubuhlelwe waqondaniswa nombungazo wamazwengazwe wokubungaza iviki elibizwa nge-International Book Week.
Ubuthanyelwe abathandi bemibhalo abangaphansi kwesiFunda Usiba-CSZ Ntuli District, abafundi nothisha bezikole zaseMandeni namaphethelo.