SEKUMI NGOMUMO KWI-MAYORAL CUP EBAQULUSINI
ISIMEMO esikhishwe iMeya yakuBaQulusi uCllr uSifiso Mkhwanazi. ISITHOMBE: UMASIPALA WABAQULUSI.
AKHONA DLAMINI
UMASIPALA wakuBaQulusi ulungiselela uhlelo lomqhudelwano wezemidlalo olubizwa ngokuthi AbaQulusi Mayoral Cup 2026, ngeSonto, mhla ziyi-27 kuMandulo 2026 e-Cecil Emmett Rugby Stadium.
IMeya yakuBaQulusi, uCllr Sifiso Mkhwanazi, uthe lo mqhudelwano uzoqala ngehora lesi-08:00 ekuseni, uzohlanganisa imidlalo eyahlukene, ngenhloso yokukhuthaza ezemidlalo entsheni, ukuthuthukiswa kwamakhono abantu abasha nokwakha ubunye emphakathini.Phakathi kwemidlalo ezodlalwa kubalwa ibhola likanobhutshuzwayo, ibhola lombhoxo, isibhakela, ezokusubatha, i-basketball , ikarate nezinye eziningi.
