INGENELELWE YINKOSI UMSWATI III EYOKUZIPHATHA KWESILO
ISILO uMisuzulu kaZwelithini
INKOSI uMswati III wase-Eswatini
OWAMI THABETHE
INkosi uMswati III waseSwatini ingenelele udaba lakwaZulu, yabiza iSilo samaZulu uMisuzulu kaZwelithini ongumshana wayo, eSwatini. INkosi uMswati lll ikwenze lokhu ngenhloso yokukhalima iNgonyama yamaZulu ukuqinisekisa ukuthi ubukhosi bakwaZulu abuphelelwa isithunzi.
Lokhu kuza ngemuva kokukhathazeka phakathi komndeni wasebukhosini bakwaZulu ngokuziphatha kweSilo, kulandela ukusabalala kwamavidiyo ezinkundleni zokuxhumana lapho sibonakala khona iSilo siphethe okusasibhamu futhi sikhothile.
Ukuziphatha ngale ndlela kweSilo yikhona okwenze uMswati III, ongumfowabo kaNdlunkulu uMantfombi, wakhetha ukungenelela ngokukhathalela ikusasa lobukhosi bukaZulu.
Ngokombiko ovezwe yiNews Daily, iNkosi uMswati III, uhlele ukungenelela mathupha ukuzama ukufaka umshana wakhe emgqeni, nokuqinisekisa ukuthi isithunzi sobukhosi bukaZulu buyalondolozeka.
INkosi uMswati III uke wabonakala eseka isidanana iNgonyama yamaZulu, ngesikhathi sigcotshwa ngokusemthethweni mhla zingama-20 kuNcwaba 2022, eMoses Mabhida Stadium eThekwini.
ISilo sibonakale eSwatini ngempelasonto mhla zi-3 kuMfumfu, kanti kuze kube manje akukacaci ukuthi ngabe uMswati ubesibizele lowo mhlangano ngokusemthethweni yini.