I-SUNDOWNS IIZIGWAZELE IBHECE KWI-CAF

IZIGWAZELE ibhece iSundowns kwiCAF Champions League. ISITHOMBE: Mamelodi Sundowns

MALIBONGWE MAZIBUKO

IZIDLELE amahlanga iMamelodi Sundowns kumdlalo womlenze wokuqala weCAF Champions League kumdlalo wangaphandle neqembu lase Nigeria.
ISundowns inqobe iRemo Stars ngamagoli amahlanu kwelilodwa (5-1), ukuqinisekisa ukuthi ngomlenze wesibili umsebenzi uzobe usulula.
Kulo mdlalo kubonakale abadlali beSundowns abasha okubalwa uMiguel Reisinho noTsiki Ntsabeleng, beshaya amagoli okukuqala selokhe bejoyine iKabo Yellow.
Amasandawana asezobhekisa amabombo kumdlalo weBetway Premiership mhla zingama-21 kuMfumfu, lapho bezobhekana neSekhukhune United.
Umdlalo olandelayo uzokuba mhla zingama-26, bazodlala umlenze wesibili neRemo Stars eLoftus Versfeld Stadium ukuzoqedela umsebenzi.