KUBOSHWE ABABHIKISHI ABAYI-15 ETHEKWINI
KUBOSHWE ababhikishi abayi-15 eThekwini. ISITHOMBE: AYANDA PHOSWA
AKHONA DLAMINI
KUBOSHWE ababhikishi abayi-15 izolo ebusuku mhla ziyi-9 kuMfumfu, kulandela umbhikisho onodlame owenzeka eThekwini nasezindaweni ezakhelene nalo.
Lokhu kuboshwa kwenyuse isibalo sababoshiwe safinyelela kwabayi-19, okubalwa kubo abane ababoshwa ngoLwesine ngamacala okuzama ukubulala nokuqhumisa isibhamu esidlangalaleni.
Okhulumela amaphoyisa KwaZulu-Natal uColonel Robert Netshiunda, uthe abasolwa babhekene namacala okudala udlame emphakathini nokulimaza impahla ngamabomu, kanti kungase kwengezwe namanye amacala.
“Izigameko zodlame ziphinde zaholela ekutheni kushe izindlu ezimbili eMbilo, kwalimala nezitolo eziningi enkabeni yedolobha. Ezinye zalezi zitolo ziphinde zaphangwa kanti iningi labasolwa ababoshiwe ngabafundi,” esho.
