OWASE-BRAZIL UZOLAXAZA I-SUNDOWNS NGEYANGAKUBO

UMBIKO: MABUNHLE MLABA

KUZOMELE iMAMELODI Sundowns iphuthume izame ukuvala isikhala somgadli ovulwe uLucas Ribeiro Costa njengoba oseyodlala phesheya.
Lo mdlali waseBrazil uyindaba egudwini kulezi zinsuku kulandela ukushanela kwakhe kwasani emcimbini wama-PSL Awards lapho enqobe izindebe ezine.
Uhlabane ngeyeFootballer of the Season evotelwa abaqeqeshi be-PSL, eyeBetway Premiership Players’ Player of the Season evotelwa abadlali.
Ubuye wahlabana neyePremiership Goal of the Season neyePremiership Top Goal Scorer okuyinto emfanele kwazise yena neSundowns banqobe indebe yeLigi ihlandla lesi-8. Sekuvele ukuthi njengoba iSundowns iqhuba ikhempi yayo eRustenburg uCosta unxuswe ukukhululwa njengoba abaphathi bakhe sebekuvuthondana nezingxoxo namaqembu amgaqele.
Nakuba ekhona amaqembu ase Qatar, France naseBelgium amfuna uthuli kunelangakubo eBrazil iFluminense nayo emfuna uthuli.