INDIDA KUHOXA ISIHLABANI KWI-PARIS MASTERS KA-2025
KUDIDE abaningi ukuhoxa kowaseSerbia kwiParis Masters ka-2025. ISITHOMBE: ATP Tours
MALIBONGWE MAZIBUKO
ISIHLABANI seGrand Slam uNovak Djokovic usememezele ukuthi ngeke abeyinxenye yomqhudelwano weParis Masters yakulo nyaka.
Lo mdlali weThenisi waseSerbia ubhale ezinkundleni zokuxhumana ukuthi uyahoxa kulo mqhudelwano weParis Masters ezoqala mhla zingama-27 KuMfumfu ize iyophele mhla ziyi- 2 kuLwezi.
Ukuhoxa kwalesi sihlabani kushiye imibuzo, njengoba wonke umuntu esazibuza ukuthi kungani uDjokovic angeke abe yinxenye yalokhu.
“Paris othandekayo, ngeshwa ngeke ngisawungenela lo mncintiswano kulo nyaka eRolexPMasters “Nginezinkumbulo ezimangalisayo nempumelelo enkulu eminyakeni edlule, ngikwazile ukunqoba izicoco eziyisikhombisa. Ngithemba ukukubona ngonyaka ozayo”. kubhala UDjokovic ku X.
Ukunqoba kokugcina kuka-Djokovic i-Grand Slam kufike ngonyaka ka-2023 enqoba i-US Open, ukhishwe esigabeni sokwandulela owanqamu yawo wonke ama-majors amane kulo nyaka.