KWEHLE IZIHLATHI KUHOXA I-CHIEFS KOWE-MANGOSUTHU CUP
IKaizer Chiefs isihoxe kowe Prince Mangosuthu Legacy Cup. ISITHOMBE:IBHELE IMAGES
MALIBONGWE MAZIBUKO
KWEHLE izihlathi kubantu abaningi baKwaZulu-Natal, abakade sebezithembise ukuthi bazobona iqembu lebhola iKaizer Chiefs igijima ezinkundleni zemidlalo Olundi, kumqhudelwano iMangosuthu Legacy Cup ngempelasonto, kulandela ukuhoxa kwaleli qembu sekusele amanenjana nezinsuku kudlalwe lomdlalo.
Lokhu kuhoxa kweChiefs kuqinisekiswe incwadi etholwe abahleli balo mqhudelwano, okuyiZululand District Municipality, baveza ukuthi baxinwe yimidlalo yeCAF Confederations Cup.
IChiefs idlulele kumaqoqo alandelayo,.
IRichards Bay isingene esikhaleni seChiefs kulo mqhudelwano, njengeqembu lesine elizobhekana neNsingizini Hotspurs kumdlalo wesibili.