USUSEMOME OWEMPI. YASE-SANDLWANE

UNGQONGQOSHE uMnuz Mntomuhle Khawula ehambisana abantwana baseNdlunkulu

ZETHU PHOSWA

SEZIHUBELA sakusha ngomcimbi oqhakambisa ukunqoba kukaZulu enqoba amangisi, ozokuba eNquthu mhla ziyi-22 kuMasingana.
Lokhu kulandela uchungechunge lwemicimbi eyandulela lo mcimbi, okuhlanganisa umlando kwempi yaseSandlwana obuseSikhalenisenkosi eMpangeni namuhla.
Lolu uchungechunge olwenziwe ngokubambisana kukamasipala wedifunda i-King Cetshwayo Districy kanye noMnyangowezemiDlalo, ezobuCiko Namasiko oholwa uNgqongqoshe wezeMidlalo, ezobuCiko namaSiko uMnuz Mntomuhle Khawula , ngenhloso yokugqugquzela ukwaziwa komlando omuhle nonothile, owawunyathelwe ngezinyawo, ngesikhathi ondlebe zikhanyilanga beshicilela okuvuna bona.
“Ziningi izinto ezehlula abelungu no sekuvela manje. Umlando wempi yaseSandlwana uqale ngesikhathi eNkosi Cetshwayo, kusukela kuqala ukufika kwabamhlophe, befikela Esikhalenisenkosi eMpangeni, kuze kube kuhlaselwa Ulundi, kuze kufike kumlando wokunqotshwa kwamaNgisi enqotshwa uZulu, “ kuchaza uNgqongqoshe Khawula.
Kulo mcimbi kukhunjulwa Inkosi Cetshwayo owabuza eminyakeni eyi-147,okuyiyo eyayibusa ngesikhathi sempi yaseSandlwana neyakwazi ukuya kwiNdlovukazi yaamangisi u-Elizabeth.
“,Ziningi izinto ebezifihlekile ngomlando kaZulu, izinkomba ilokhu ziveza ukuthi amangisi anqoba. Sibonga kakhulu kulowo owayenguMengameli we-IFP uMntwana Mangosuthu Buthelezi osakhothama, ngokuklama indima ekucaciseni ngomlando wakaZulu onothile nocebile kangaka,” kubeka uNgqongqoshe Khawula.