ICHIEFS ISAYINE UMDLALI OSEMNCANE

UXhosa Manyana obolekwe yiKaizer Chiefs kwiCape Town City
ISITHOMBE : Kaizer Chiefs FC

MALIBONGWE MAZIBUKO

IKaizer Chiefs isiqinisekisile ukusayinwa komdlali wayo wokuqala ngonyaka ka-2026, uXhosa Manyana, ozodlala esikimini seDStv Diski Challenge.

UManyana ubolekwe ngaMakhosi kwiCape Town City kuze kuphele isizini ka-2025/2026.
Lo mdlali wasesiswini, oneminyaka engu-20 ubudala, uyakwazi ukudlala ezindaweni ezahlukene enkundleni futhi uke wadlala ezikwatini zaseMzansi zabasebancane. Ubeseqenjini lesizwe lika-Under 20, Amajita, elinqobe indebe yeCOSAFA ngonyaka ka-2024.
Ngonyaka odlule, uManyana uchithe izinyanga eziyisithupha e-United States, ebolekiswe eqenjini le-MLS, iFC Cincinnati. IChiefs inqobe iGolden Arrows ngo 1-0 wegoli lika-Aden McCarthy emdlalweni weBetway Premiership eFNB Stadium, eGoli, ngoLwesibili ebusuku. Lo mphumela uyinyusele endaweni yesithathu kwi-log yePremiership ngamaphuzu angama-27 emidlalweni eyi-14.