KUTHOLAKALE ISIDUMBU SOSANA OLUSHE LWANGQONGQA ENDAWENI YOKOSA E-BLUFF

ABEZIMO eziphuthumayo namaphoyisa besendaweni yesgameko. ISITHOMBE: ALS PARAMEDICS

NOMCEBO NGEMA

KUTHOLAKALE usana selushonile, kwashiswa nesidumbu salo ngase-Brighton Beach, eBluff izolo ngemva kwehora lesibili emini.

Abezimo eziphuthumayo bakwa- ALS Paramedics bathi balunywe indlebe umuntu obezihambela, wazithela phezu kwalolu sana olushe lwangqongqa.

Baqhube bathi okwamanje abukatholakali ubulili balo lolu sana, kanti namaphoyisa afikile endaweni yesigameko ayaphenya.